Bizning jamoamizda lavozimidan qat’iy nazar, har bir xodim insoniylik jihatdan hurmatga va e’tiborga ega inson hisoblanadi. Ularning shaxsiy fikrlarini, yondashuvlarini doimo qadrlaymiz va ularning yaxshi kunlarida yutuqlarini nishonlash bilan birgalikda, ularning sinovli kunlarida qo‘llab-quvvatlashni tashkilotimizning qadriyati darajasida bilamiz!

Biz jamoamizning har bir a'zosi bilan alohida yuz-ma yuz ochiq muloqot qilishga, ularning takliflarini e'tiborga olishga va tanqidlari asosida o'zgarishlar qilishga tayyormiz. Biz doimiy muloqotlar va fikr almashinish jarayonlarini - rivojlanish jarayoni deya qabul qilamiz.

Bir jamoa - bir maqsad. Tashkilotimizdagi har bir xodim jamoaning muhim bir qismi ekanligini his qiladi va jamoaning boshqa a'zolariga yordam kerak bo'lsa, albatta yordam qo'lini cho'zadi. Muammolarni hamjihatlik va birgalikda ishlash orqali hal qilamiz.

Biz Iqtidor ekosistemasida faoliyat olib borayotganimizdan faxrlanamiz va har qanday holatda, joyda, vaqtda tashkilotimiz obro‘yini yanada oshirishga, yuksaltirishga doimo o‘z hissamizni qo‘shamiz. Iqtidor brendi bu bizning iftixor brendimizdir va bu brend ostidagi xalqaro maktabimiz biz bilan ham faxrlanishiga ishonamiz!

Har bir yangi kun bizning jamoamiz a'zolari uchun bajarilgan ishlarimiz sarhisobini qilib, foydali ishlarimiz bilan bilan faxrlanadigan mavzudir va shu bilan birgalikda yangi narsalarni o'rganish uchun keng imkoniyatlar beradigan kundir. Biz har doim bilmaganlarimizni o'rganishga va yangi yutuqlarni qo'lga kiritishga chanqoqmiz.

Har bir mehnatning natijasi albatta e’tirofga loyiq va biz jamoamiz a’zolarining bundan-da ko‘proq yutuqlarga erishishlarini, yaxshilik tomon o‘zgarishlar qilishlarini e’tirof etishga, nishonlashga tayyormiz va e’tiroflar insonlar ruhiyatini yuksaltirishiga ishonamiz.

Ta'lim dargohimizdagi sodir bo'layotgan barcha jarayonlar eng sifatlisi bo'lishini ta'minlashga harakat qilamiz. Har bir xodim vijdonan o'z vazifasini ado etishi tarafdorimiz va yordam kerak bo'lganida, barqaror rivojlanish treninglarini doimo taklif qilamiz.

Shaffoflik bu jamoamizdagi barcha xodimlar uchun ishonchni ta'minlaydigan muhim tamoyildir. Biz muloqotlarda, qarorlar qabul qilishda, faoliyatimizda, rag'batlantirishlarda va yana barcha boshqa amallarimizda adolat va shaffoflikni ta'minlashni kafolatlaymiz!

Natijalar va muvaffaqiyat — tartib va intizomga sodiqlikda yashaydi. Har bir vazifani belgilangan vaqtda bajarish — jamoaviy yuksalishning eng muhim shartidir. Katta yutuqlar kichik mas'uliyatlardan boshlanadi, intizom bilan yakunlanadi.