1-sinf o‘quvchilarini qabul qilish siyosati

Maqsad

Mazkur qabul siyosatining maqsadi "Iqtidor Xalqaro Maktabi"ga 1-sinf o‘quvchilarini qabul qilish jarayonini aniqlab berishdan iborat. Maktab o‘quvchilarni tanlashda adolat va tenglik tamoyillariga amal qilgan holda, ularning intellektual qiziqishi va akademik salohiyatini baholashni maqsad qilgan.

Kamsitmaslik tamoyili

"Iqtidor Xalqaro Maktabi" barcha nomzodlarga teng imkoniyat yaratishga sodiqdir. Maktab qabul jarayonida irq, rang, jinsi, dini, millati, etnik kelib chiqishi yoki boshqa qonuniy himoyalangan belgilar asosida kamsitmaydi. Nomzodlar faqat ularning individual qobiliyatlari, salohiyati va maktab missiyasi hamda qadriyatlariga muvofiqligi asosida baholanadi.

Qabul mezonlari

Nomzodlarni qabul qilish quyidagi mezonlarga asoslanadi:

1. Akademik salohiyat: Savodxonlik, matematik asoslar va muammolarni hal qilish qobiliyatining mavjudligi.
2. Qiziqish: Baholash va kuzatuvlar orqali intellektual qiziqish va o‘rganishga bo‘lgan ishtiyoqni namoyon etish.
3. Ijtimoiy muloqot qobiliyatlari: Tengdoshlari va kattalar bilan hurmatli va hamkorlik asosida muloqot qilish qobiliyati.
4. Maktab qadriyatlariga moslik: O‘rganish, ijodkorlik va hurmat madaniyatini qabul qilishga tayyorlik.

Baholash jarayoni

Nomzodlar akademik salohiyat, qiziqish va ijtimoiy muloqot qobiliyatlarini o‘lchash uchun guruh va individual baholash orqali tekshiriladi.
Guruhli baholash

• Tuzilishi: Jamoaviy faoliyat, masalalarni yechish va ijodiy fikrlashni rag‘batlantiradigan mashg‘ulotlar.
• Maqsad: Ijtimoiy muhitda qiziqish, hamkorlik qobiliyati va intellektual faollikni baholash.

Individual baholash

• Tuzilishi: Savodxonlik, matematik bilimlar, kognitiv qobiliyatlar va ijodkorlikni o‘lchashga yo‘naltirilgan birma-bir mashqlar.
• Maqsad: Shaxsiy akademik tayyorgarlik va intellektual qiziqishni o‘lchash.

Kuzatuv va baholash

• Faoliyat davomida kuzatuvchilar bolalarning ishtiroki, javoblari va qobiliyatlarini qayd etib boradilar.
• Adolat va izchillikni ta’minlash uchun standartlashtirilgan baholash mezonlari qo‘llaniladi.

Qabul qarorlari

Qabul qarorlarini - ma'lumotlarni baholash va ariza materiallarini ko‘rib chiqadigan qo‘mita qabul qiladi. Har bir bola har tomonlama baholanib, uning potentsiali va maktab qadriyatlariga mosligi e’tiborga olinadi.

Natijalarni e’lon qilish

• Nomzodlar qabul jarayonini tugatgandan so‘ng, uch ish kuni ichida natijalar bilan tanishtiriladi.
• Qabul qilingan o‘quvchilar oilasiga rasmiy taklif, keyingi bosqichlar va muddatlar haqida ma’lumot yuboriladi.
• Qabul qilinmagan nomzodlar oilalari o‘z farzandining baholash natijalari haqida fikr-mulohaza olish uchun murojaat qilishlari mumkin.

Apellyatsiya jarayoni

Qabul qaroridan norozi bo‘lgan oilalar, qaror e’lon qilingan kundan boshlab 7 ish kun ichida ariza yozma shaklda qabul bo‘limiga yuborishlari mumkin. Apellyatsiyalar Kengash tomonidan ko‘rib chiqiladi va yakuniy qaror 3 kun ichida ma’lum qilinadi.

Ma’lumotlarning maxfiyligi

Barcha baholash ma’lumotlari va ariza materiallari qat’iy maxfiylik asosida saqlanadi. Maktab ma’lumotlarni himoya qilish bo‘yicha amaldagi qonunlarga rioya qilgan holda nomzodlarning ma’lumotlarini xavfsiz saqlaydi.

Tasdiq

Mazkur siyosat 2025-yil 6-yanvar kuni Direktorlar kengashi tomonidan ko‘rib chiqilgan va tasdiqlangan.