Direktorlardan maktub
Assalomu alaykum, qadrli “Iqtidor xalqaro maktabi"ning aziz o‘quvchilari!
Bugun sizlarga maktabimizning yuragi bo‘lgan aziz bolajonlarga bir necha samimiy fikrlarimni yetkazmoqchimiz. Sizlar “Iqtidor xalqaro maktabi"ning eng katta boyligi va kelajakning yorqin yulduzlarisiz! Har biringizda cheksiz imkoniyatlar va ulkan salohiyat borligiga ishonaman. Sizlardan umidlarimiz osmon qadar va shu osmondagi yulduzlar qadar o'sishingiz, rivojlanishingiz va jamiyatga foyda, qiymat va yaxshiliklar keltirishga sababchi bo'ladigan insonlar bo'lib yetishishlaringiz uchun, sizlarga bir qancha maslahatlarimiz bor! Avvalambor, qayerda bo'lmangiz, kimlar bilan muloqot olib bormangiz, birinchi navbatda yuksak tarbiya va odob namunasi ekanliklaringizni ko'rsatgan holda, barchaga o'rnak bo'linglar! Insonlarga hurmat, samimiylik, ijobiy kayfiyat va yaxshiliklar ulashing! Shuningdek, ilm olishga bo‘lgan ishtiyoqni hech qachon yo‘qotmasligingizni xohlayman. Ilm – insonning hayot yo‘lini yorituvchi chiroqdir. Shu sababli, har kuni o‘zingizga yangi bilimlar qo‘shishga intiling. Ammo bilim olish faqat dars bilan cheklanmaydi. Hayotda sizni sinovlar kutadi, bu sinovlardan o‘tish uchun sizdan chidamlilik, sabr-toqat va matonat talab etiladi. Shuningdek, sizlardan quyidagi fazilatlarni shakllantirishingizni xohlayman:
- Yaxshi niyatAmallar avvalambor niyatlarga bog'liqdir! Doimo yaxshi niyatlar qilib, ularni albatta yozib boring!1
- MehnatsevarlikHayotingizdagi barcha muvaffaqiyatlar faqat mehnat orqali keladi. Hech qachon oson yo‘llarni izlamang, o‘z orzularingiz uchun mehnat qilishga tayyor bo‘ling.2
- HalollikHayotingizning har bir qadamida halollik, to'g'rilik va adolat sizning haqiqiy boyligingiz bo‘lsin.3
- O‘ziga ishonchO‘zingizga ishoning va orzularingiz sari dadil intiling. Har biringizda iqtidor va imkoniyatlar bor.4
- Sog'lom turmush tarziHayotingiz davomida tanangizni asrang! Uni parvarishlang, sog'lom taomlanib, jismonan yuksaling! Uzoq umr ko'rishingiz, ko'proq yaxshiliklar qilishga yordam beradi!5
- AmalAytgan gaplaringizga birinchi navbatda o'zingiz amal qiling!6
Shuni unutmangki, siz “Iqtidor xalqaro maktabi"da tahsil olayotganingizning o‘zi katta ma‘noga ega. “Iqtidor” – bu faqat maktabning nomi emas, balki har biringizning ichki salohiyatingizni va iqtidoringizni ifoda etuvchi ramzdir. Har kuni o‘zingizdan so‘rang: “Men bugun o‘zimdagi iqtidorni rivojlantirish uchun nima qildim?, o'zimni qobiliyatlarimni kashf qila olyapmanmi?, Nima yo'nalishda men jamiyatimizga ko'proq yordam bera oladigan inson bo'lib yetishaman?” Chunki har bir kun – yangi imkoniyat, yangi qadam.
O‘z orzularingizdan hech qachon voz kechmang. Dunyo tarixidagi barcha buyuk insonlar, dastlab, o‘z orzulariga ishonib, ularga erishish uchun qadam tashlaganlar. Siz ham shunday bo‘ling! Aziz bolajonlar, “Iqtidor xalqaro maktabi"ning o‘quvchisi bo‘lish bu faqatgina faxr emas, balki mas‘uliyatdir. Sizlar kelajakda bizning jamiyatimizni rivojlantiradigan, uning madaniyatini, ilm-fanini, va ma‘rifatini yanada yuksaltiradigan yetakchilar bo‘lishingizga ishonaman. Har bir kuningizni mazmunli va samarali o‘tkazing. Har bir xato – saboq, har bir muvaffaqiyat – rag‘bat bo‘lsin. Biz, ustozlaringiz, maktabimiz jamoasining har bir a'zosi doimo sizlarning yoningizdamiz va har biringizning yutuqlaringizdan faxrlanamiz. Sizga a‘lo darajadagi ta‘lim, yaxshi tarbiya va yorqin kelajak tilaymiz. Kelajakka dadil qadam tashlab, orzularingizni amalga oshiring! Sizlar shuning uchun yaratilgansiz!
Hurmat bilan,
“Iqtidor xalqaro maktabi" rahbariyati
Hurmat bilan,
“Iqtidor xalqaro maktabi" rahbariyati