Maktabga asos solishimizga sababchi bo'lgan omillar
Avvalambor, maktabga asos solishimizning eng katta sababi bu ko'pchiligimizning ta'limga, kelajakka nisbatan qarashlarimizdagi cheklovlarning borligidir. Ya'ni bizning ko'pchiligimiz yaxshi, yorqin va muvaffaqiyatli kelajakni faqatgina yaxshi o'qish bilan bog'lab qo'yganmiz xolos. Ammo ayni kunlarda yaxshi dars qilish yoki yaxshi o'qishdan ko'ra, qanday dars qilish, qanday qilib yangi bilimlarni tez o'zlashtirish, samarali va unumli ishlash, o'zgarishlarga tayyor turish, sog'lom hayot kechirish, nazariya emas, amaliyotda ko'proq toblanishlar muhim ahamiyat kasb etmoqda. Va shuningdek, insonparvarlik fazilatlari, jumladan o'zaro hamjihatlikda ishlash, samimiylik, liderlik, oson ijtimoiylasha olish yuqoridagi muhim omillar bilan hamohang bog'liqdir. Ammo negadir, bu hayotiy ko'nikmalarni o'quvchilarga va farzandlarimizga odatda o'rgatmaymiz ham, talab ham qilmaymiz. Shu og'riq, shu muammo sababli, biz jamiyatimizda ijobiy o'zgarishlarga sababchi bo'lishga va ushbu qadriyatlarni o'z vazifamiz sifatida to'laqonli ado etishga qaror qildik. Ota-onalar bilan birgalikda ishlab, qadriyatlar ustiga kichik bir jamiyat — maktab shakllantirishni istadik. Va bu maqsadlarimiz bizning Oliy maqsadimizni yo'lidagi butun umrlik sayohatimiz bo'lishiga ishonamiz!
Maktabimiz nomi haqida batafsil
Iqtidor Xalqaro Maktabi
- Har bir bolaning ichida quyosh bor va biz barchamiz shu quyosh porlashi uchun harakat qilmog'imiz lozimdir. Ichimizdagi bu quyoshning nomi esa iqtidor deb ataladi. Bu iqtidor ilmda, sportda, san'atda, texnikada, tibbiyotda, harbiylikda, astronomiyada, texnologiyada va cheklanmagan tarzdagi yo'nalishlarda bo'lishi mumkin. Ota, ona, ustozlar, maktab, do'stlar, atrof-muhit va yana bir qancha omillar bu iqtidor yuzaga chiqishiga yordam beradigan omillar hisoblanadi. Biz shu tizimni to'g'ri rivojlanishiga yordam bergan holda, barcha o'quvchilarimizdagi iqtidorni yuzaga chiqarishga harakat qilamiz.
- Shu bilan birgalikda, maktabimiz xalqaro standartlar asosida tashkil qilingan bo'lib, maktabimiz bolalar xavfsizligi, ta'limga bo'lgan amaliy yondashuvlar, muhit, kelajakda xalqaro universitetlarga ta'lim olish imkoniyatlarini taqdim etadi.
Logotipimiz ma'nosi
Yer shari va uning atrofidagi nurlar
5 xil rangli nurlar esa maktabimizning 5 ustuni - tarbiya, estetika, sog'lik, klassik ta'lim va amaliyotni bildiradi.
Sodda qilib aytganda, 5 xil yo'nalishda rivojlangan o'quvchilarimiz kelajakda butun dunyo bo'ylab yaxshiliklar sodir bo'lishiga sababchi bo'ladigan insonlarga aylanishadi.