Iqtidor Xalqaro Maktabidagi 0-maktabga tayyorlov sinfi eng kichik o‘quvchilarimizga ta’lim yo‘lidagi eng mustahkam va ishonchli boshlang‘ich poydevorni berish uchun mo‘ljallangan. Ushbu bosqichda bolalar puxta rejalashtirilgan mashg‘ulotlar orqali ilm o‘rganadi, yangi bilimlarni kashf etadi va maktabning 1-sinfi sari kamol topadi — bunda ularning nutqi, qiziqishi, xarakteri hamda ijtimoiy ko‘nikmalari izchil rivojlantiriladi.
Bizning yondashuv
Biz o‘yin asosidagi, izlanishga yo‘naltirilgan va bolalar e'tibor markazimizda bo'lgan ta’lim yondashuviga amal qilamiz. Har bir mashg‘ulot bolalarning o‘zini erkin ifoda etishi, o‘ziga bo‘lgan ishonchini mustahkamlashi hamda mazmunli, amaliy faoliyat orqali bilim olishi uchun puxta ishlab chiqilgan. Ustozlarimiz har bir o‘quvchini mehr, sabr-toqat va yuksak professionallik bilan yo‘naltirib boradi, shunda har bir bola o‘zini xavfsiz, qadrlangan va rag‘batlantirilgan holda his qiladi.
0-sinflarimizning maktabda nimalarni o'rganishadi?
Bizning maktabga tayyorlov dasturimiz erta yoshdagi ta’limning asosiy yo‘nalishlari bo‘yicha bolalarning har tomonlama rivojlanishini ta’minlaydi:- Nutq va til, aktyorlik mahorati
- Tovushlar va harflarni o‘rganish, so‘z boyligini kengaytirish, tinglab tushunish ko‘nikmalarini rivojlantirish hamda o‘zbek, rus va ingliz tillarida ilk nutqiy ishonchni shakllantirish.
- Boshlang'ich matematika
- Sonlar, shakllar, naqshlar va miqdorlarni tanish, shuningdek o‘yinlar va mashg‘ulotlar orqali mantiqiy fikrlashni rivojlantirish.
- Tasviriy san'at, Musiqa, Qiziqarli tajribalar
- Tasviriy san’at, musiqa, qo‘l motorikasi, qiziqarli tajribalar va ijodiy o‘yinlar orqali bolalarning o‘zini ifodalashi hamda o‘ziga bo‘lgan ishonchini mustahkamlash va ijodiy fikrlash.
- Shaxmat, Tarbiya, ijtimoiy va hissiy rivojlanish
- Navbat bilan harakat qilishni o‘rganish, bo‘lishishni va ulashishni o‘zlashtirish, his-tuyg‘ularini ifodalash, jamoaviy mashg‘ulotlarda ishtirok etish hamda dastlabki do‘stlik aloqalarini shakllantirish.
- Jismoniy tarbiya
- O‘yinlar, harakatlar, ochiq havodagi mashg‘ulotlar va bolalar uchun mos jismoniy mashqlar orqali mayda va yirik motorika ko‘nikmalarini rivojlantirish, shuningdek irodani toblantirish.
Nega ota-onalar bizning maktabgacha ta'lim dasturimizga ishonishadi?
- Mehribon, g‘amxo‘r va yuqori malakali boshlang‘ich ta’lim ustozlari
- Kichik yoshdagi bolalar uchun maxsus yaratilgan xavfsiz va rivojlantiruvchi sinfxonalar
- Har bir bolaga individual e’tibor berish imkonini yaratadigan kichik guruhlar
- Sog‘lom odatlar, mustaqillik va intizomni qo‘llab-quvvatlovchi kundalik tartib
- Maktabimiz qadriyatlariga mos kuchli xarakter tarbiyasi: Aniqlik, Jasorat, Hissa qo‘shish va Xulq-atvor
0-sinflarimizning bir kuni
Oddiy bir o‘quv kuni quyidagi faoliyatlardan iborat bo‘ladi:- Tonggi ijtimoiy muloqot va moslashuv vaqti
- Savodxonlik va boshlang‘ich matematika mashg‘ulotlari
- Ijodiy markazlar (rasm, konstruktor, qo‘l mehnati va boshqalar)
- Ochiq havoda o‘yin va harakatlar
- Musiqa, harakat va ertak vaqti
- Tamaddi va dam olish onlari
- Xarakter tarbiyasiga yo‘naltirilgan qisqa mashg‘ulotlar (mini-darslar)Morning social time
Bizning maqsad
Har bir bolani ijtimoiy, hissiy va akademik jihatdan 1-sinfga puxta tayyorlash — shu bilan birga, maktabni sevishini, o‘zini mehr bilan o‘ralgan his etishini va atrofdagi olamga nisbatan quvonchli qiziqish uyg‘onishini ta’minlash.